Monday, September 21, 2015

நாம் கொண்டாடிக்கொண்டிருந்த உலகம்


*

என்ன நேர்ந்தது
நமது உலகத்திற்கு
ஏறத்தாழ
துருபிடித்ததொரு
உலகை நாம்
கொண்டாடிக்கொண்டிருந்தோம்

அப்படித்தான்

உலகங்கள் இருந்தாகவேண்டும் என்ற
மின்னும் பிடிவாதம்
நமது
சுபாவமாக
பொருத்தப்பட்டபின்

என்ன
நிகழ்ந்தது
நம் உலகிற்கு

ஏளனம்
நம்மிடையே
நகையாடிச்சென்றதை
முற்றிலும் மறந்து விட்டோம்

ஒரு
பூமத்திய இரேகையை
ஓர் உலகிற்கு
அளிப்பதை விட
அப்படி என்ன செய்து விட்டோம்

என்னவாயிற்று
நாம் சிதைக்க விரும்பிய உலகிற்கு

உலகில்
நட்சத்திரங்களைப் பதியவிட
எவரும்
நம்மை வற்புறுத்தவில்லையே

பிறகு
பூவொன்று மலர்வதை
நாம் அங்கீகரிக்கத் தயங்குவதன்
காரணம்தான் என்ன

என்ன
நிகழ்ந்தது
அந்தப் பூவின் உலகிற்கு
*
கலாசுரன்

No comments:

Post a Comment