Saturday, September 26, 2015

எஞ்சியிருக்கும் எனது சமுத்திரம்


*

நான் எஞ்சியிருக்கிறேன் உள்வயமாய்

அலைகளற்ற சமுத்திரமாய் இவ்வானத்தை
எடுத்துச்சொன்னது நான் செய்த பெரும் செயல்

நான் பித்து பிடித்தவனாக இருக்க வாய்ப்பில்லை
உள்வயமாய் எஞ்சியிருப்பது
ஒரு பெரும் தவறாக நான் எண்ணவே இல்லை

வானம் அலை எழுப்பும் காலத்தில்
அதுவொரு சமுத்திரமென்று நீங்கள் ஒப்புக் கொள்ளலாம்

உண்மையிலும் உணமையாக உங்களுக்குச் சொல்கிறேன்
அலைகள் மட்டும் ஒரு சமுத்திரத்தின்
சிறந்த அடையாளமல்ல

தயவு செய்து
எஞ்சியிருக்கும் என்னை
எனது வானத்திலேயே புதைத்து விடுங்கள்

*

கலாசுரன்

No comments:

Post a Comment