Tuesday, September 22, 2015

நான் நிற்கின்ற இடம்


*

பார்வைக்கு உட்பட்ட
நான் நிற்கின்ற இடம்

அது பொதுவானது

சூழ்ச்சிகளின்
நிரந்தர அக்கினியில்
தகிக்கின்ற சுபாவம் அதற்குண்டு

பார்வைக்கு உட்படாத
அதே நான் நிற்கின்ற இடம்

அது போதுமானது

சூட்சுமங்களால்
குளிரூட்டப்பட்டு உறைந்து போன
மனச்சாட்சியாக
அது இருந்து வருகிறது

முன்பொரு நாள்
கேள்விப்பட்ட
நான் நிற்கின்ற இடத்திற்கு
இன்னும்
என்னால்
சென்றடைய முடியவில்லை
*
கலாசுரன்

No comments:

Post a Comment