Monday, September 21, 2015

வெப்பச்சிக்கல்


*

என்ன நேர்கிறது
மறந்துவிட்ட நமது
முன்காலத்து ஞாபகங்களுக்கு

பனிக்கட்டிகள் வெப்பமற்றிருக்கிறதென்று
யார் சொன்னது

ஏறத்தாழ
இருநூறு கெல்வின் டிகிரி
வெப்பத்திலிருக்கும் சிந்தனைகளை
கவிதையாக்குவதற்கு
ஒரு ஞாபகத்தின் மனவிலாசம்
போதுமானது

மற்றும்
அதீத வெப்பச்சிக்கலின் பனிக்கட்டியில்
இருந்துகொண்டு
எழுத்தாளனொருவனுக்கு
தனது பேனா நுனியை
மிகச்சாதாரணமாக
வைத்திருக்க முடிகிறது

ஒரே நேரத்தில்
ஜீரோ டிகிரி கெல்வின் வெப்பத்திலும்
அனைத்து நட்சத்திரங்களிலும்
*
கலாசுரன்

No comments:

Post a Comment