Monday, September 21, 2015

ஒரு மரம் அறிவது


*

ஒருவரின் நயவஞ்சகம்
வெகுவாக மிளிர்கிறது

ஒரு வளர்பிறை இரவில்
ஒரு மரத்திற்கான
கதகதப்பு நிராகரிக்கப்படுகிறது

நஞ்சில் தோய்த்த போர்வையொன்று
வஞ்சத்திற்குள்ளாகும்
அனைத்தின் மேலும் போர்த்தப்படவேண்டும்

ஒரு நயவஞ்சகம்
தன்னை உருவாக்கிக் கொள்வதில்லை

உற்று நோக்கும் பகல்களில்
ஒருவன் தூங்குகிறான்
அவனது எதிரிகளின் பேரழிவு
அவனைத் தாலாட்டுகிறது

சூது தெரியாதவன் ஒருவனின்
பீதிகொண்ட இரவைப்போல
உருக்கமானது
மரமொன்றின் ஈடற்ற மௌனம்

நிச்சயம் ஒரு மரம் அறிந்துகொள்கிறது
வஞ்சகர்களின் இதயத்தில்
புதைந்திருக்கும் பேரபத்தத்தை

*
கலாசுரன்

No comments:

Post a Comment