Thursday, December 18, 2014

சவம்

*
பனியென உறைந்து கிடக்கும் என்னை 
ஒரு மரத்தை கொலைசெய்துருவாக்கிய 
பெட்டியினுள் வைத்ததுடன் புதைக்கவோ 
இல்லையேல் இன்னொரு மரத்தை
கொலைசெய்துன் முற்றத்திலடுக்கி 
அதன் மேல் படுக்கவைத்தென்னை
நெருப்புக்கு உணவாக்கவோ தீட்டப்ப்படுமுன்
திட்டங்களை அறிகிறேன் 
என்னுயிர் பேதலித்தலைந்துன் 
பாதையில் தடியெனக்  கிடக்கிறது,
சவம்
*
***
கலாசுரன் 

No comments:

Post a Comment