Thursday, December 18, 2014

*
மன்னித்துத்தான் ஆகவேண்டியிருக்கிறது 
எனதிந்த மனதின் சிந்தனைகளை 
அவை தற்செயலானவை என்பதற்கேற்ப 
ஆதாரங்களை வரிசைப்படுத்துகிறேன் 

எனக்கு நானே அமைத்துக்கொள்ளும் 
சட்டதிட்டங்களைக் கூட 
என் மனத்தால் எளிதில் மீறமுடிகிறது

உள்ளுக்குள் பட்டறையிட்டிருக்குமொரு 
சாத்தானை அடிக்கடி பின்னிரவின் கனவுகள் 
எட்டிப்பார்ப்பதுண்டு 

அவன் முன்னால் வைத்திருக்கும் 
கனல் பிழம்பில் கட்டுண்டு கிடக்கும் 
என் நிழல் மீளப்போவதில்லை  

மன்னித்துத்தான் ஆகவேண்டியிருக்கிறது 
எனதிந்த மனதின் சிந்தனைகளை 
*
***
கலாசுரன் 

No comments:

Post a Comment