Friday, January 3, 2014

அதை அதன் பிம்பங்கள் அறியாமல்

*
அது வரும்போது
அதை ஆரவாரத்துடன்
நாம் வரவேற்கிறோம்.

அது நம்
மூளைக்குள் சென்று எல்லாவற்றையும்
சீரழிக்கிறது.

அது
எந்த விதத்திலும்
அர்த்தமற்றிருந்தபோதும்
அதை நாம் அதீதமாய்
அரவணைத்துக் கொள்கிறோம்.

அதன் பற்கள்
நுனி கூர்ந்து வளைந்து
கொடூரமாக காட்சியளித்தபோதும்

முகத்தின் தசைகள் இழுபட
அதை
சாதாரணமான ஒன்றாக
நாம் அணிந்து கொள்கிறோம்.


அதன்
பிரதிபலிப்பை
மானுடத்தின் முக்கிய முத்திரையாக்குகிறோம்.
வேறொன்றிற்கும் அம்முத்திரை இல்லை என்கிறோம்.

இரவுபகல் பாராமல்
அதை நினைத்து அல்லது
சொல்லிக்கொண்டு
ஆனந்த பெருமிதம் கொள்கிறோம்..

அதன் சாட்டை நுனிகளால்
உயிரற்றதும் உயிர்கொண்டதும்
கிழிக்கப்படுவதை தடுக்க முற்படாதிருக்கிறோம்...

அதை
மிகச் சாதாரணமாக
நகைச்சுவை என்றழைக்கிறோம்...

*

கலாசுரன்...


No comments:

Post a Comment