Friday, January 3, 2014

எனது மனது


*
என் மனம்
என்னை 'நீ' என்றே அழைக்கிறது.

அது இன்னொரு நபராக என் முன் நிற்கிறது
அது சொல்வதை எனது நாவும் உச்சரிக்கிறது
அதன் கட்டளைகளுக்கு இணங்க
என் உடல் நடந்து கொள்கிறது .

சாக்கடையில் விழுந்தெழும்பிய
ஒரு வேதாளம் போல் என்னை அது 
முழுதும் அழுக்காக்குகிறது.

அதற்கு 'நான் யார்?' எனத் தெரியுமா என்பதைவிட
நான் யாரென எனக்கிப்போது நிச்சயமற்றிருக்கிறது.

அதை கண்டிக்கவும் கட்டுப்படுத்தவும்
அதனிடமே கேட்கவேண்டியிருக்கிறது.

அவ்வேதாளத்தை அரசாட்சி செய்யும் விதத்தில்
இன்னொரு வேதாளம் என்னிடம் இருந்திருக்க வேண்டும்.

அது எந்த சட்டங்களுக்கும் உட்படாமல் இருக்கிறது
எனவே
விதிகளுக்கும் அது கட்டுப்படுவதேயில்லை.

அது-
என்னை குழப்பமடையச் செய்கிறது
பயமுறுத்துகிறது
மயக்கத்திலாழ்த்துகிறது
கற்பித்து முட்டாளாக்குகிறது.

இன்னும்
எண்ணற்ற கோணங்களில்
அது-
தன்னைக்கொண்டு நிரப்புகிறது.

பின்-
அதண்ணை கருணையின்றி
'நீ' என்றழைக்கிறது.
 ***
கலாசுரன்

No comments:

Post a Comment