Monday, May 31, 2010

ஒற்றை தென்றல் ...!

இலைகளின் காதலில்
பனிமேகங்களின் குழந்தைகள்
இருள்கடலின் முத்தெனவோ ?
ஒளி தன் சொத்தெனவோ?
மிளிர்கின்றன

அவைகளை மேகமற்ற
குளிர் மழையென
பெய்யச் செய்து
அதில் நனைந்தவாறு
பயணிக்கின்ற ஒற்றை தென்றல்...

அவள் இரவு மலர்களின்
வாசமும், பனிமேகங்களின்
குளிர்ச்சியும் கொண்டு நொடி நேரத்தில்
ஒருவித சுகம் படைத்து துணை தவிர்த்து
விடை பற்று செல்கிறாள் ...

தனிமையை வருடி
நிலவு காயும்
கனவுகளின் கண்களில்
கவிதை பூசிச் செல்கிறது

மேகம் தூவிச் சென்ற இருள்...!

கலாசுரன்...
நன்றி உயிர்மை, உயிரோசை....
http://www.uyirmmai.com/Uyirosai/Contentdetails.aspx?cid=2976

2 comments:

Elango said...

அழகு..!

கலாசுரன் said...

மிக்க நன்றி கவிதைக்காரன்

Post a Comment