Sunday, March 7, 2010

அவள் விழிகள் நனைந்திருந்தன .....!!!

ஒருவித நெடிய இசையுடன் 
நீர்ப்பரப்பின் மேல் 
நின்றாடும் வண்டு ....! 
அதை வேட்டையாடும் விதமாக 
வாதுமை மரத்தின் சாய்ந்த 
கிளை ஒன்றிலிருந்து .... 
குப்புறக் குதித்த 
சிறுவனின் சப்தத்தை நீர்..... விழுங்கி 
சிற்றலை வளையங்கள் 
சிணுங்கிக் குலுங்க சிரித்தது.....! 
ஆனந்தத்தின் இலகுவான விரிவடைதல் 
கரைகளில் மோதி நொறுங்கியது..... 
அதன் எதிரொலிகள் 
துளிர்விடும் முன்னே 
கரைமோதும் நீரைத் திருடிப் பருகுகல்யில் ... 
காதுகளை கவர்தவாறு 
ஓசை எழுப்பிச் சிரித்ததொரு குடம்... 
தொடர்ந்து 
ஒரு செல்லக் குழந்தையாய் 
அவள் இடை நெளிவுகளில் உட்கார்ந்தபடி......
வீடுவரை ..... 
அணைத்த கையைகளை நனைத்தவாறு 
ஒரு கூத்தாடிப்பயணம் சென்றங்கே..... 
குடம் தரை இறங்குகையில் 
ஒற்றைக் கடைவிழி மெல்ல எழுந்து 
என் பார்வையை ... ஈர்த்தபடி 
மௌனமாய் நீர்ப்பரப்பில் நின்றாடும் வண்டு...........!! 


கலாசுரன்..

2 comments:

shammi's blog said...

arumai enbathai thavira ennaku ondrum thonavilai

கலாசுரன் said...

thanks shammi

Post a Comment