Thursday, February 25, 2010

ஒரு காகிதம் கவிஞன் ஆகிறான் ...........!



*
 நீ ரசித்தபடி
சில முனைகளால் 
என்னை துன்புறுத்தி மகிழ்வதுண்டு..........!


அத்துன்புறுத்துதல்
ரசனைக்குரியதாக இல்லை என்றும்
சுவாரச்யமாகவில்லை என்றும்
சொல்லிக்கொண்டு 
என்னை கசக்கி எறிவதுமுண்டு.......! .


 இது எப்படி என்று
அனைவருக்கும் எனக்களித்த
தண்டனைகளின் நிழல் வடுக்களைக் காட்டி
அதட்டியவாறு நீ கர்வம் கொள்வதுமுண்டு........! .


சில நேரங்களில்
ஆசை முத்தம் அளிக்கிறாய்..!
எனக்கல்ல உன் பேனாக்களின்
கால் தடங்களுக்கு மட்டும்.........! 


இத்தருணங்களில் எல்லாம்
சலனமின்றி தாங்கிக் கொள்கிறேன்
உன்னை வெறுக்கவும்
உன் கற்பனைகளை சபிக்கவும் முடியாமல்...........! .


ஏனனில் நான் காகிதம்...........!
நீ கவிஞன்..........! 
***
கலாசுரன்

No comments:

Post a Comment