Thursday, February 25, 2010

கண் திறந்தபடியே தூங்கப் பழகுகிறேன்.........!

அமைதியாய் தூங்கு இல்லையேல் கற்பனைத் தென்றல் உன்னை செல்லமாய் தூக்கிச்செல்லக்கூடும்.....! என மனம் தனக்குத் தானே மௌனமாய் அதட்டிட புனைக்குள் இருந்து சிறு கற்பனை ஓன்று கேளிக்கையாய் எட்டிப்பார்த்தது .......! சட்டென விழிகளை மூடிக்கொண்டேன் நான் பார்க்கவில்லை என்றதுபோல் இருந்தும் கடைவிழி மயிரிழைத் துளைவழி கள்வனென்று உள் புகுந்து சிறு கரடாய் உறுத்த பெருகிடும் விழிநீரில் ஒரு அதிவேக எதிர் நீச்சல்........! கருவிழ்யின் சலனங்களைத் தாளமிட்டு சீரமைக்கும் ஓர் இசையமைப்பும் அரங்கேறியது முடிவிலியாய்.......! இனி தூக்கம் சற்று கலையட்டுமெனவும் எழுதித் தொலையட்டுமெனவும் என் கை அறியாது புனை ஏந்திட ஏமாற்றம் ஓன்று என்னை செல்லமாய் நலம் விசாரித்துச் சென்றது.......! சற்றும் இரக்கமின்றி கண் பார்வை தொலைவுக்கும் அப்பால் மறைந்தாய் புனைதொடுத்த தொடுவானத்து மின்னலாய்.........! புனைக்குள் இருந்து அவ்வப்போது கேளிக்கை பார்வை தொடர்கிறாய் வெளிவர மருத்தவாறு.........! வேறு வழியின்றி கண் திறந்தபடியே தூங்கப் பழகுகிறேன்.........! கலாசுரன்

No comments:

Post a Comment