Thursday, February 25, 2010

இதோ இன்னுமொரு கவிதையாக...........!


சாலையின் 
இருபுறங்களிலும் நின்றபடி 
ஏதோ ஒரு ஆழமிகு ஊடலால் 
கிளை விரல் கைகோர்த்தவாறு
பின் நோக்கி செல்கின்ற மரங்கள்....! 
ஏன் என்றால் 
நான் முன் நோக்கி செல்கிறேனாம்..........
அவைகளையும் தொலைத்து தூரத்து மலைகள்
என்னை முந்துவதர்க்கெனவே
என் கூடவே வேகமாக.....! 
அச்சந்தேகம் தவறு......... 
என் வேகம் குறைகையில்
வேகத்தை குறைத்து என் 
கூடவே வர விரும்பும்
என்னுயிர் தூரத்து நண்பர்கள்........!
இவர்களின் பயணத்தைக் கவனித்தவாறு
என் பயணத்தின் இலக்கு 
வந்த பாதையிலேயே தொலைந்து விட்டது..........! 
பயணச் சீட்டும் உயிரிழந்து
என்னைப் புறக்கணிக்க
நடத்துனர் அதட்டி
"அவனும் அவனது கனவும்......" என
வெளியே தள்ளிட
கதவும் நகையாடியது
நானும் என் கனவுகளும் நிலம் புரள
நொறுங்கிச் சிதறியது
கனவுகள் மட்டும், தனிமையில் நான்.........!
பிரிதலின் சோகம் மௌனமாய்
சிந்திய விழிநீர் முத்துக்கள் பிளவுண்டு
முளைத்தது கனவொன்று 
இதோ இன்னுமொரு கவிதையாக...........! 


கலாசுரன்

No comments:

Post a Comment